Fyrsta önn Leikstjórnar og Framleiðslu sátu námskeið í framleiðslu með Hlín Jóhannesdóttur (Bokeh, Svanurinn) og leikstjórn þar sem er unnið með leikaravinnu undir leiðsögn Þorsteins Bachman (Lof mér að falla, Vonarstræti) ásamt fyrstu önn Handrita og Leikstjórnar. Þriðja önn fór í SAM, þar sem þau fengu tækifæri til að vinna með öðrum nemendum í tökum.

Nemendur á fyrstu önn Skapandi Tækni sátu sinn fyrsta kúrs í klippingu undir leiðsögn Davíðs Alexander Corno (Undir Halastjörnu, Kona fer í stríð) ásamt kúrs í myndbreytingu undir leiðsögn Sigurgeirs Arinbjarnarsonar (Everest, Star Trek Discovery). Nemendur á annarri önn sátu kúrs í hljóðvinnslu með Kjartani Kjartanssyni (Sódóma Reykjavík) og einnig námskeið myndbreytingu þar sem þau vinna með “after effect” undir leiðsögn Sigurgeirs Arinbjarnarsonar (Everest, Star Trek Discovery). Þriðja önn tók fyrsta hluta sérhæfingar – þar sem hver og einn nemandi velur sérgrein og fær útlutaðan leiðbeinanda til að kynna sér það fag.

Fyrsta önn Handrita/Leikstjórnar sátu sitt fyrsta námskeið í handritum í fullri lengd undir leiðsögn Hrafnkels Stefánssonar (Kurteist Fólk, Borgríki) þar sem þau hefja vinnu að handriti sem þau munu vinna áfram með næstu annir, og leikstjórn þar sem er unnið er með leikaravinnu undir leiðsögn Þorsteins Bachman (Lof mér að falla, Vonarstræti) ásamt fyrstu önn Leikstjórnar og Framleiðslu. Þriðja önn lauk þriðja námskeiði sínu í handritum í fullri lengd, með Hrafnkeli Stefánssyni (Kurteist Fólk, Borgríki)  þar sem þau skrifuðu fyrstu drög að handriti í fullri lengd. Nemendur á fjórðu önn hófu tökur á útskriftar myndum sínum. 

Nemendur á fyrstu önn Leiklistar sátu námskeið í raddbeitingu og söng með Þórunni Ernu Clausen (Lói), Leik og hreyfingu þar sem unnið með líkamann í tjáningu með Guðmundi Elíasi Knudsen, og Leiktúlkun með Rúnari Guðbrandssyni (Svartur á leik, XL).  Nemendur á annari önn sátu námskeið í raddbeitingu hjá Þóreyju Sigþórsdóttur (Agnes, Kaldaljós) og unnu í leiktækni með Rúnari Guðbrandssyni (Svartur á leik, XL). Þriðja önn fór í SAM, þar sem þau fengu tækifæri til að vinna með öðrum nemendum í tökum.

Kínema, nemendafélag Kvikmyndaskóla Íslands, bauð upp á Handrita vinnustofu og Kareoke kvöld á þriðjudeginum og Spilakvöld á fimmtudeginum að vanda.

Vikunni lauk svo í kvikmyndasögu í Bíó Paradís.

SAM heimsókn og upptökur byrjaðar á útskriftar myndum

Fyrsta önn Leikstjórnar/Framleiðslu luku kúrs í tónlistarmyndböndum undir leiðsögn Erlends Sveinssonar (Kanarí), klipptu saman tónlistarmyndbönd sem þau tóku í vikunni áður og hófu svo námskeið í framleiðslu með Hlín Jóhannesdóttur (Bokeh, Svanurinn) og leikstjórn þar sem er unnið með leikaravinnu undir leiðsögn Þorsteins Bachmans (Lof mér að falla, Vonarstræti) ásamt fyrstu önn nemenda í Handrit/Leikstjórn. Þriðja önn lauk námskeiði í endurgerð senu með öðrum nemendum þriðju annar, þar sem þau frumsýndu senur sem þau endurgerðu úr þekktum kvikmyndaverkum.  Leiðbeinendur voru Ágústa Margrét Jóhannsdóttir (UseLess) “storyboard” meistarinn Sigurður Valur og leikstjórinn Viðar Víkingsson (Draugasaga).

Nemendur á fyrstu önn Skapandi Tækni sátu sinn fyrsta kúrs í klippingu undir leiðsögn Davíðs Alexanders Corno (Undir Halastjörnu, Kona fer í stríð) ásamt því að hefja kúrs í myndbreytingu undir leiðsögn Sigurgeirs Arinbjarnarsonar (Everest, Star Trek Discovery). Nemendur á annarri önn sátu kúrs í hljóðvinnslu með Kjartani Kjartanssyni (Sódóma Reykjavík) og hófu námskeið í myndbreytingu þar sem þau vinna með eftir vinnslu undir leiðsögn Sigurgeirs Arinbjarnarsonar (Everest, Star Trek Discovery). Þriðja önn  lauk námskeiði í endurgerð senu með öðrum nemendum þriðju annar.  

Fyrsta önn nemenda í Handrit/Leikstjórn luku kúrs í skrifum fyrir sjónvarpsþætti undir leiðsögn fagstjórans Ottó Geirs Borg (Ég man þig, Astrópía) og hófu fyrsta námskeið í handritum í fullri lengd undir leiðsögn Hrafnkels Stefánssonar (Kurteist Fólk, Borgríki) þar sem þau hefja vinnu að handriti sem þau munu vinna áfram næstu annir. Þriðja önn  lauk námskeið í endurgerð senu með öðrum nemendum þriðju annar. Nemendur á fjórðu önn sátu námskeið í leikstjórn með Gunnari B. Guðmundssyni ( Astrópía, Gauragangur) þar sem nemendur undirbjuggu útskriftar mynd sína. 

Nemendur á fyrstu önn Leiklistar sátu námskeið í raddbeitingu og söng með Þórunni Ernu Clausen (Lói), leik og hreyfingu þar sem unnið með líkamann í tjáningu með Guðmundi Elíasi Knudsen, og kynntu svo það sem þau hafa verið að vinna í leiktúlkun með Rúnari Guðbrandssyni (Svartur á leik, XL). Nemendur á annarri önn sátu námskeið í raddbeitingu hjá Þóreyju Sigþórsdóttur (Agnes, Kaldaljós) og unnu í leiktækni með Rúnari Guðbrandssyni (Svartur á leik, XL). Þriðja önn  lauk námskeið í endurgerð senu með öðrum nemendum þriðju annar. 

Kínema, nemendafélag Kvikmyndaskóla Íslands, bauð upp á Handrita vinnustofu og Karaoke kvöld á þriðjudeginum og Spilakvöld á fimmtudeginum að vanda, og endaði vikuna á Halloween skemmtun á föstudagskvöldinu.  

Vikunni lauk að vanda í kvikmyndasögu í Bíó Paradís.

Raddþjálfun og endurgerð frægra atriða úr þekktum myndum meðal verkefna vikunnar

Fyrsta önn Leikstjórnar/Framleiðslu sat kúrs í tónlistarmyndbanda gerð undir leiðsögn Erlends Sveinssonar (Kanarí), hafa lokið tökum og munu ljúka við myndböndin sín um miðja næstu viku.  Þriðja önn sat námskeið í endurgerð senu með öðrum nemendum þriðju annar, þar sem þau munu læra “storyboard” og endurgera senu úr kvikmynd. Leiðbeinendur voru Ágústa Margrét Jóhannsdóttir (UseLess), “storyboard” meistarinn Sigurður Valur og leikstjórinn Viðar Víkingsson (Draugasaga).

Nemendur á fyrstu önn Skapandi Tækni sátu sinn fyrsta kúrs í kvikmyndatöku undir leiðsögn Stefáns Loftssonar (Brotið) og Tómasar Arnar Tómassonar (Arctic, Latibær).  Nemendur á annarri önn hófu kúrs í hljóðvinnslu með Kjartani Kjartanssyni (Sódóma Reykjavík). Þriðja önn sat námskeið í endurgerð senu með öðrum nemendum þriðju annar í skólanum.

Fyrsta önn Handrits/ Leikstjórnar luku kúrs í grunnreglum handritsgerðar undir leiðsögn fagstjórans Ottó Geirs Borg (Ég man þig, Astrópía) sem hóf svo með þeim kúrs í handritaskrifum fyrir sjónvarp. Þriðja önn sat námskeið í endurgerð senu með öðrum nemendum þriðju annar. Nemendur á fjórðu önn sátu námskeið í framleiðslu þar sem þau meðal annars undirbúa lokamyndina sína undir leiðsögn Hlínar Jóhannesdóttur (Svanurinn, Bokeh) og héldu svo áfram að undirbúa myndina í námskeiði í leikstjórn með Gunnari B. Guðmundssyni (Astrópía, Gauragangur).

Nemendur á fyrstu önn Leiklistar luku námskeiði í raddbeitingu með Þóreyju Sigþórsdóttur (Agnes, Kaldaljós) með glæsilegri kynningu, sátu kúrs í leiktækni með Rúnari Guðbrandssyni (Svartur á leik, XL) og hófu námskeið í raddbeitingu og söng með Þórunni Ernu Clausen (Lói). Nemendur á annari önn hófu kúrs í leiktækni og túlkun með Rúnari Guðbrandssyni (Svartur á leik, XL) ásamt framhaldskúrs í raddbeitingu undir leiðsögn Þóreyjar Sigþórsdóttur (Agnes, Kaldaljós). Nemendur á annari önn luku við stuttmyndir sem sýna þeirra persónulega stíl með frumsýningu. Leiðbeinendur þeirra voru Ágústa Margrét Jóhannsdóttir (UseLess) og Linda Stefánsdóttir (The Fifth Estate).  Nemendur á þriðju önn Leiklistar luku námskeið í leiklistarsögu með Rúnari Guðbrandssyni (Svartur á leik, XL) og hófu svo námskeið í endurgerð senu með öðrum nemendum þriðju annar.  

Kínema, nemendafélag Kvikmyndaskóla Íslands, bauð upp á Handrita vinnustofu og Karaoke kvöld á þriðjudeginum og Spilakvöld á fimmtudeginum. 

Nemendur allra deilda endurgerðu atriði úr kvikmyndum þessa vikuna

Söguborðsgerð, Bleikur dagur og svo mikið meir síðastliðna viku

Ólöf Birna Torfadóttir, útskrifuð frá Handrit og Leikstjórn hjá Kvikmyndaskólanum, lauk nýverið tökum á sinni fyrstu mynd í fullri lengd og við gátum ekki annað en fengið að forvitnast um ferlið

Hugmyndin að myndinni “Hvernig á að vera Klassa Drusla” varð fyrst til sumarið 2015. Ég var að vinna í SS á Hvolsvelli sumarið milli ára sem ég var í skólanum. Mikil færibandavinna og fáir jafnaldrar sem voru íslensku eða enskumælandi, svo ég var mikið ein með sjálfri mér og þar byrjaði hugmyndin fyrst að þróast. Upprunalega pælingin var að gera mynd um þessa tvo karaktera sem fengu nafnið Karen og Tanja. Þær eru pínu svona “expectation vs reality”. Hvað þú vildir að þú værir töff og svo hvað þú ert mikil lúði í raun og veru dæmi. Það er það sem myndin svolítið fjallar um. Karen að kenna Tönju að vera kærulausari, frjálsari og ekki bundin við hvað öðrum mun finnast.

Eftir að hafa pælt og skrifað einhverja punkta niður yfir sumarið byrjaði ég svo að þróa handritið frekar á 3. önn í Kvikmyndaskólanum en þá áttum við í lok annar að skila fyrsta uppkasti af handriti í fullri lengd. Ég hélt svo áfram að þróa það á 4. önn en lagði það svo í smá dvala eftir skólann vorið 2016. Fyndið með þetta handrit að það var alveg sama hversu lengi ég leyfði því að liggja, í hvert sinn sem ég las það yfir og bjóst þá við einhverri hörmung eins og maður gerir, þá var það bara ekki raunin. Ég elska þetta handrit, hlæ alltaf jafn mikið og langaði alltaf jafn mikið að gera það að bíómynd. Ég fékk tækifæri til að fara með handritið á Les Arcs í gegnum Kvikmyndaskólann fyrir jól 2017 við mjög góðar móttökur erlendis. Þá eftir áramótin byrjaði framleiðslan meira fyrir alvöru.

Hvernig gekk að manna hlutverk og starfsfólk við myndina?

Það gekk furðuvel að manna í öll störf. Ég bjóst ekki við því að fólk væri tilbúið að stökkva í svona “low budget” verk. Ég var búin að tala við marga sem ég hef unnið með í kvikmyndagerð um þetta handrit síðan 2016 en þegar kom að því að manna í störfin hélt ég að kannski væri fólk komið meira inní bransann og hefði ekki áhuga lengur en nánast allir sem ég hafði samband við vildu vera með. Eins og hún Sunna Birgisdóttir súper sminka orðaði það; “Ólöf, ég hef beðið eftir kallinu í 2 ár, ég er um borð í druslulestinni”.

Ég byrjaði fyrst ein og prufaði ýmislegt snemma 2018, að fá sponsa, hafa samband við allskonar fyrirtæki sem mögulega gætu fengið eitthvert auglýsingargildi í myndinni og allan þann pakka. Upprunalega stóð til að taka upp myndina sumarið 2018 en af því fjármagn gekk hægt varð því frestað. En allt gerist af ástæðu af því við hefðum ekki getað fengið betra sumar í þetta en núna 2019. Og eftir á hyggja í dag hefði ég ekki viljað flýta mér inn í þetta 2018. Í staðinn byrjaði ég með haustinu að hafa samband við allt liðið og fylla í stöður. Þá var ég búin að velja í aðalhlutverkin. Ylfu Marín í hlutverk Tönju og Ástu Júlíu í hlutverk Karenar. Svo er ég að vinna hjá Íslandspósti á Akranesi og akkúrat um áramótin 2018/2019 var sveitapósturinn að hætta hjá okkur eftir 40 ár í starfi. Ég stökk beint á það tækifæri til að geta byrjað að skoða staðsetningar um Hvalfjörðinn og Svínadal og þannig fann ég öll upptöku svæðin í Hvalfjarðarsveit. Ég fékk svo inn annan framleiðanda, hann Óskar Long, sem byrjaði strax að hafa samband við mögulega fjárfesta. Á þessum tímapunkti var nánast allt komið nema fjármagnið sjálft. Öll upptöku svæði, allt tökulið og leikarar, og búið að festa tökudaga sem spönnuðu frá apríl og fram í september. Um helgar og á frídögum svo fólk myndi ekki missa úr vinnu. Komin með gott tilboð á tækjapakka frá Kukl og Rent a lens. Svo var búið að gera “low budget” framleiðsluplan fyrir tökutímabilið sjálft og okkur vantaði svo lítið uppá, en samt of mikið til að geta það sjálf. Óskar gerði kraftaverk á mjög svo stuttum tíma sem hann hafði. Við enduðum á að fá sirka helming af fjármögnun frá fjárfestum, stofnuðum fyrirtækið MyrkvaMyndir og fengum einhvern yfirdrátt í banka út á það og sirka þriðjungur af myndinni endaði á okkur að leggja út sjálf en samt yfir fjögurra mánaða tímabil svo höggið var ekki eins mikið á okkur í einu.

Það sem kom mér mest á óvart er hvað þetta gekk fáránlega vel og hvað ég fékk gott tökulið með mér í þetta. Þetta er fyrsta bíómyndin í fullri lengd sem ég leikstýri. Áður hef ég gert stuttmyndir og maður er svo vanur að þurfa að redda öllu sjálfur og vera tilbúin að stökkva í hvað sem er en þetta var allt annað. Fólkið sem stóð að þessu var svo hjálplegt og ástríðufullt fyrir þessu verki og allir voru að tala saman innbyrðis og redda sér sjálfir. Ég man þegar við vorum að fara inn í annað tökutímabil og ég hafði gleymt að pæla í hárinu á leikkonunum fyrr en bara í vikunni fyrir næstu tökudaga. Ég dreif mig að hafa samband við alla en þá væru þær búnar að tala við hárgreiðsluna, búnar í litun og “touch up” og bara tilbúnar í tökur. Ég sat eitt kvöldið fyrir tökur svo eirðarlaus; búin að sækja tækin, búin að gera þetta litla sem ég endaði á að þurfa að gera og allt annað var tilbúið. Ég veit það á væntanlega að vera þannig en ég bjóst bara ekki við því svona fljótt, sérstaklega í svona “low budget” verki. Ég er gríðarlega heppin með tökulið og á þeim allt að þakka fyrir þessa mynd.

Það voru margir hlutir sem ég var mjög stressuð fyrir og sá fram á að gætu verið mikið vesen en það fyndna er að það voru allt aðrir hlutir og margir svona “litlir” hlutir sem voru töluvert meira vesen en maður hefði búist við. Sem dæmi vorum við í tökum í sauðburði og vildum ná skoti af leikkonunni taka á móti lambi. Það er ekki bara pantaður eitt stykki burður sí svona. Ég og Ásta mætum á fimmtudegi fyrir tökur til að æfa okkur aðeins en þá var bara ekkert að frétta. Ég var mjög stressuð að við myndum lenda í því á tökudeginum en þegar við mætum eru fimm kindur að fara að bera, leikkonan náði að æfa sig að taka á móti lambi þrisvar og svo náðum við tveimur tökum af henni að taka á móti. Þetta er dæmi um þessa stóru hluti sem ég hélt að yrði vesen, en svo dæmi um litlu hlutina. Fötu vandamálið mikla. Þú veist ekki hvað það er mikið vesen í lífinu að redda fötum í öllum regnbogans litum. Ég vissi ekki að ég hefði skrifað inn fötur í nánast hvert einasta atriði og “set dressan”, hún Lovísa Lára, var að bilast, af því hún vildi ekki vera bara með einhverja hvíta óspennandi fötu í hverju atriði. Svo hún var búin að hringja í alla í lífinu sínu til að spyrja hvort þeir ættu fötu og þá hvernig á litinn. Og þetta var alveg áframhaldandi vandamál allar tökurnar.

Einhverjar skemmtilegar frásagnir úr ferlinu?

Sumarið í heild var ótrúlega skemmtilegt og þvílíkt sem við vorum heppinn með veðrið, alla vega fram í september. En í fullri hreinskilni er það pínu í móðu þessa dagana. Er í gríðarlegu spennufalli. Nýjasta dæmið sem ég man sem var svona öðruvísi og skrítið, var þegar Óskar framleiðandi og félagi hans fór með 100 kílóa baðkar frá Reykjavík uppí fjall í Svínadalnum. Svo vorum við í veseni með hvernig við ættum að fylla baðkarið af vatni. Ég og Lovísa “set dress” enduðum á að fara í kolniða myrkri, kvöldið fyrir tökur, uppí fjall með tvær fötur (hvítar óspennandi fötur). En eina vatnsuppsprettan sem var nálægt var lækur sem var töluvert neðar í fjallinu. Ég veit ekki afhverju það virkaði sem góð hugmynd að fylla föturnar í læknum og keyra með þær, ekki einu sinni veg heldur svona næstum slóða, upp þverhníft fjallið. Eftir fyrstu tilraun notuðumst við frekar við polla og skurði sem við fundum nær karinu.

Einhver lærdómur sem þú tekur frá þessari reynslu?

Ég hef lært svo mikið af þessu ferli. Allt frá því hvaða kex er best að bjóða upp á á setti upp í hvað væri betri strúktúr til að fá sem mest út úr hverjum tökudegi. En fyrst og fremst langar mig að segja að ég hef lært að treysta meira á fólk og vera ófeimin við að deila með mér verkefnum. Ég hef lært mikið um sjálfa mig í þessu ferli. Númer eitt, ég get þetta. Ég hef rödd sem fólk hlustar á, ég veit hvað ég vil og ég veit hvað ég vil frá fólki á móti. Það að umlykja sig fólki sem hefur jafnmikinn eða meiri metnað og ástríðu fyrir verkinu en þú sjálf/ur er lykilatriðið. Ég hef hugmyndir og einhverja sýn sem ég gef út og fólkið tekur það skrefinu lengra og gerir úr því eitthvert kraftaverk. Búningar, hár, förðun, “set dress”, rammarnir; allt varð töluvert betra en ég hefði nokkurn tímann þorað að vona. Þessi mynd varð okkar allra, ég er sjúklega stolt af leikurunum og tökuliðinu, ótrúlega þakklát fyrir þeirra vinnu. Ég hef aldrei verið jafn sátt við myndefni eftir tökur og ég get ekki beðið eftir að sýna ykkur afraksturinn í bíó.

Hvaða ferli er nú eftir og hvenær megum við svo fá að njóta?

Myndin er núna í klippiferli, fer svo í hljóðvinnslu og litaleiðréttingu í lok október. Svo er planaður frumsýningadagur fyrstu helgina í apríl 2020.

Ólöf Birna og “Hvernig á að vera Klassa Drusla”

Fjölkameru þáttur tekinn upp í beinni og nemendur á fullri ferð í upptökum

Nemendur skiluðu fyrstu hugmyndavinnu að lokaverkefni sínu, þar sem þau vinna 7 mínútna stuttmynd í litlum 3-4 manna hópum. Leiðbeinendur Sigrún Gylfadóttir (Fangar), Hlín Jóhannesdóttir (Svanurinn, Bokeh), Stefán Loftsson (Brotið ) og Friðrik Þór Friðriksson (Börn Náttúrinnar, Mamma Gógó) fóru yfir hugmyndirnar þeirra og ljóst er að spennandi verkefni eru í bígerð.

Fyrsta önn Leikstjórn / Framleiðslu luku svo tíma í Myndrænni frásögn með ásamt fyrstu önn Handrit/ Leikstjórn og hófu kúrs í handritsgerð með handritshöfundi og leikstjóranum Reyni Lyngdal (Okkar Eigin Osló, Hraunið). Þriðja önn Leikstjórn/Framleiðslu var í fullum undirbúningi fyrir fjölkameruþátt sem fer í tökur undir þeirra stjórn í næstu viku, undir leiðsögn reynda upptökustjóranum Jóni Agli Bergþórssyni ásamt því skrifa handrit að eigin stuttmynd undir leiðsögn Tinnu Hrafnsdóttur (Munda) sem þau munu leikstýra í lok annar.

Nemendur á fyrstu önn Skapandi Tækni sátu kúrs í hljóði með fagstjóra hljóðs Kjartani Kjartanssyni (101 Reykjavík, Englar Alheimsins). Nemendur á annarri önn Skapandi Tækni luku kúrs í klippingu undir leiðsögn Davíðs Alexander Corno (Kona Fer í stríð, Mikhel) þar sem þau klippa meðal annars einstaklingsverkefni sem þau tóku upp í kvikmyndatökunámskeiði. Og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannsdóttir (UseLess) og Linda Stefánsdóttir (The Fifth Estate). Nemendur á þriðju önn sátu námskeið í kvikmyndatöku með Tómasi Erni Tómassyni (Arctic, Latibær) þar sem þeir munu skjóta sína eigin heimildarmynd ásamt því að sjá um tökur á fjölkameruþætti. Einnig luku þeir námskeiði í myndbrellum undir leiðsögn Sigurgeirs Arinbjörnssonar (Everest, Star Trek: Discovery)

Fyrsta önn Handrit/ Leikstjórn luku tíma í Myndrænni frásögn ásamt með Veru Sölvadóttur (Gone) ásamt fyrstu önn Leikstjórn / Framleiðslu og hófu kúrs í grunnreglum handritsgerðar undir leiðsögn fagstjórans Ottó Geirs Borg (Ég man þig, Astrópía). Nemendur á þriðju önn Handrit/Leikstjórn sátu kúrs í aðlögun þar sem þau skrifa handrit að eigin stuttmynd undir leiðsögn Tinnu Hrafnsdóttur (Munda) sem þau munu leikstýra í lok annar ásamt áfanga í handritum í fullri lengd, þar sem þeir skrifa fyrstu drög að handriti fyrir kvikmynd í fullri lengd með Hrafnkeli Stefánssyni (Kurteist Fólk, Borgríki).  Nemendur á 4.önn luku  við skriftir á handritum í fullri lengd með Hrafnkeli Stefánssyni (Kurteist Fólk, Borgríki) og eru að endurskrifa handrit sitt frá síðustu önn ásamt því að vinna að handriti að útskriftarverkefni sínu með handritshöfundnum Huldari Breiðfjörð ( Undir Trénu, París Norðursins) 

Nemendur á fyrstu önn Leiklist sátu námskeið í raddbeitingu með Þóreyju Sigþórsdóttur (Agnes, Kaldaljós), Leiktækni með Rúnari Guðbrandssyni (Svartur á leik, XL) og námskeið í leik & hreyfingu með dansaranum Guðmundi Elíasi Knudsen. Nemendur á annarri önn leiklist luku námskeiði í söng með Þórunni Ernu Clausen (Réttur, Lói) með glæsilegri söngkynningu og leiktækni með Rúnari Guðbrandssyni (Svartur á leik, XL), og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl.

Nemendur á þriðju önn leiklist sátu námskeið í leiktækni og túlkun með Þorsteini Bachmann (Lof mér að falla, Ófærð) og unnu með leiktækni fyrir framan myndavel ásamt því að sitja tíma í leiklistarsögu með Rúnari Guðbrandssyni (Svartur á leik, XL) 

Öllum nemendum var svo boðið á opnun RIFF – Reykjavík International Film Festival, á fimmtudagskvöldinu, á sýningu á myndinni End of Sentence  og opnunarhófið sem því fylgdi.  

Tökudagar fyrir stuttmyndir 3 & 4.annar voru gefnir út og nemendur hafa byrjað að undirbúa sig að leikstýra verkunum sínum. 

Kínema, nemendafélag Kvikmyndaskóla Íslands, kynnti október dagskrá sína og er ýmislegt skemmtilegt á döfinni hjá þeim. Þar verður boðið upp á Handrita vinnustofu alla þriðjudaga þar sem handritsnemendur bjóða nemendum ráðgjöf í verkefnum annarinnar. Einnig á þriðjudögum verður boðið upp á Karaoke kvöld á Gauknum og tilboð á barnum. Á fimmtudögum verður svo Spilakvöld í matsal skólans þar sem nemendur koma saman og spila borðspil. Svo er margt annað á dagskrá, meðal annars Góðgerðardagur, Vöfflukaffi, Bjórbingó og Happy Hour.

Svo lauk vikunni að vanda í Bíó Paradís að venju þar sem allur skólinn fór saman í Kvikmyndasögu. 

Söng kynning og nemendum boðið á opnun RIFF, meðal annars þessa vikuna

Heimur kvikmyndanna er ansi fjölbreyttur og það hefur varla farið framhjá neinum að kvikmyndafólk hérlendis er að setja sitt mark á þann heim um víða veröld. Hér hjá Kvikmyndaskólanum eru fjórar námsleiðir í boði;

Við bjóðum ykkur að koma á opið hús hjá okkur, þar sem við kynnum starfsemi okkar, þriðjudaginn 1.október næstkomandi, frá kl.14-16.

Gestir fá að skyggnast inn í kennslustundir og vinnurými, fá að fylgjast með nemendum undirbúa verkefni annarinnar og fá tækifæri til að spjalla við kennara og nemendur.

Hér er hægt að melda sig á viðburðinn á Facebook og fá upplýsingar.

Fyrstu annar nemar í skólanum (Leikstjórn/Framleiðsla, Skapandi Tækni, Handrit/Leikstjórn, Leiklist) luku eftirvinnslu á mínútumynd undir leiðsögn og frumsýndu þar með fyrsta kvikmyndaverk sitt á skólagöngunni. Myndirnar voru skemmtilegar og fjölbreyttar, og víst er að það verður spennandi að fylgjast með næstu verkefnum fyrstu annar nemenda.

Fyrsta önn Leikstjórn / Framleiðslu hóf svo tíma í Myndrænni frásögn með ásamt fyrstu önn Handrit/ Leikstjórn. Þriðja önn Leikstjórn/Framleiðslu sat tíma í framleiðslu með ásamt því að nema undir reynda upptökustjóranum Jóni Agli Bergþórssyni í áfanga um fjölkameruvinnslu og skrifa handrit að eigin stuttmynd undir leiðsögn sem þau munu leikstýra í lok annar.

Nemendur á Skapandi Tækni sátu kúrs í klippingu undir leiðsögn þar sem þau klippa meðal annars einstaklingsverkefni sem þau tóku upp í kvikmyndatökunámskeiði. Nemendur á þriðju önn sátu námskeið í kvikmyndatöku með Tómasi Erni Tómassyni (Arctic, Latibær) þar sem þeir munu skjóta sína eigin heimildarmynd ásamt því að sjá um tökur á fjölkameruþætti. Einnig hófu þeir námskeið í myndbrellum undir leiðsögn Sigurgeirs Arinbjörnsonar (Everest, Star Trek: Discovery)

Nemendur á þriðju önn Handrit/Leikstjórn sátu kúrs í aðlögun þar sem þau skrifa handrit að eigin stuttmynd undir leiðsögn sem þau munu leikstýra í lok annar ásamt áfanga í handritum í fullri lengd, þar sem þeir skrifa fyrstu drög að handriti fyrir kvikmynd í fullri lengd með Hrafnkeli Stefánssyni (Kurteist Fólk, Borgríki). 

Nemendur á 4.önn sátu einnig við skriftir á handritum í fullri lengd með Hrafnkeli Stefánssyni (Kurteist Fólk, Borgríki), að endurskrifa handrit sitt frá síðustu önn ásamt því að vinna að handriti útskriftarverkefnis síns með handritshöfundnum Huldari Breiðfjörð ( Undir Trénu, París Norðursins) 

Nemendur á fyrstu önn Leiklist hófu námskeið í raddbeitingu með Leiktækni með Nemendur í Leiklist á annarri önn sátu námskeið í söng með og leiktækni með Nemendur á þriðju önn leiklist sátu námskeið í leiktækni og túlkun með og leiklistarsögu. 

Svo lauk vikunni í Bíó Paradís að venju þar sem allur skólinn fór saman í Kvikmyndasögu.

Fréttir Í fréttum var það helst