Gunn­ar Örn Arn­órs­son var við nám hjá Kvikmyndaskólanum á deild Handrita og Leikstjórnar og útskrifaðist vorið 2018. Um þessar mundir er hann að skrifa kvikmyndahandrit með Ottó Geir Borg að mynd sem Andreas Prochaska, sem þekktastur er fyrir að hafa gert þættina “Das Boot” (2018), hefur í hyggju að taka upp hér á landi, nefnd “Dead End”. Við heyrðum í Gunnari nýverið og fengum að heyra af ferli hans.

Fyrsta minningin sem þú hefur um áhrif kvikmynda á þig?

Ég átti erfitt með svefn sem krakki og það var oftast útaf kvikmyndum, ef myndin var gleðileg þá spann ég fantasíur út frá því þar sem ég var í hringiðu ævintýrsins og ef hún var skelfileg þá var ég undir sæng grenjandi útaf martröðum. Ég fór að temja mér það að skipta um “draumaspólur” (VHS var ríkjandi á þessum tíma) þegar nóttin varð óbærileg og virkaði það yfirleitt.
Annars er fyrsta haldbæra kvikmynda-minning mín þegar ég sat í stofusófanum í handarkrika afa míns og horfði á dystópísku satíruna “Brazil” eftir Terry Gilliam.  Var hræddur og spenntur á sama tíma og yfir skelfilegustu partana setti gamli maðurinn alltaf hendina sína fyrir augun mín. Ég gat samt séð á milli fingra hans, sem ég og gerði, þó mig langaði það ekki.  Ég varð að vita hvernig færi þó það hræddi mig.   


Hvaðan kom hugmyndin að handritinu að “Dead End”? 

Hugmyndin er komin frá eðalmenninu, lyklaborðsfjandanum og læriföður mínum, Ottó Geir Borg.  Hann var búinn að henda í 2 bls. “synopsis” þegar hann fékk mig til liðs við sig til að þróa þetta áfram.  Við unnum með Urði, Verðandi og Skuld sem bakbein, með áherslu á djöfla fortíðar og uppgjör við þá svo að framtíð geti orðið til batnaðar.  Við fylgjum mæðgum á flótta undan föður stelpunnar sem leita skjóls í litlu þorpi á vestfjörðum við hjara veraldar hjá sjókonunni Urði, sem kallar ekki allt ömmu sína.  Móðureðlið er keyrandi afl í gegnum söguna.


Í sameiningu hjuggum við út úr sögumarmaranum 12 þúsund orða “treatment”.  Í framhaldi sendum við það út til Ingvars Þórðarsonar og Andreas Prochaska og vildu þeir fara með þetta lengra. Í framhaldi höfum við verið að hamra út handritið og erum við á lokametrunum þar.  

Það er ekki hægt að biðja um betri fagmenn í verkefnið en þá Ingvar Þórðar og Júlíus Kemp, sem eru framleiðendurnir (Kisi), og með Andreas í leikstjórnarsætinu.  Það eru allir mjög samstilltir og við munum vinna statt og stöðugt í því að gera þessa mynd eins góða og hægt er.


Einhver munur á að skrifa einn eða með samhöfundi?

Það fer auðvitað eftir því með hverjum er skrifað því það passa jú auðvitað ekki allir saman.  En að skrifa með Ottó hefur verið auðvelt. Nánast vandræðalega. Við erum með mismunandi stíl en smellum vel saman.  Það er alltaf endurgjöf á milli og það er jú það sem við þurfum þegar við skrifum, skilja egóið eftir heima og fá allt það sem er að handritinu beint í andlitið.  
Ottó kenndi mér við skólann og var vanur að gefa mér sannleikann óblandaðan.  En hann er sanngjarn og góður kennari, einn sá besti, en enn betri samstarfsmaður og það er minn heiður að fá að vinna með honum.  


Hvaða tón eru þið að leitast við að ná í handritinu?

Við erum að skrifa vestra með hasar og trylli.  En rauði þráðurinn er samt hið mannlega, sem tengir okkur öll. Ást.  Hvað við erum tilbúin að gera fyrir hana og hvernig við breytumst þegar við missum hana.  Venjulegt fólk sem er komið útí horn, landfræðilega og persónulega og þarf að takast á við skelfilegar aðstæður.


Hvernig reyndist skólinn þér og námið?

Þegar ég kom í skólann þá var ég bitlaus hnífur í skúffu bældra skálda.  Ég hafði aldrei þorað að taka af skarið og reyna að skerpa á hæfileikum mínum.  En skólinn reif mig út og með frábærum kennurum náði ég að öðlast færni og hugrekki til að notfæra mér hana.  Maður fær út úr náminu það sem maður leggur sig eftir. Með vinnusemi og þrautseigju hefst þetta, jarðvegurinn er til staðar en þú einn ræður hvað þú gerir við hann.  


Lærðu af kennurunum og samnemendunum.  Hjálpaðu til hvenær sem þú getur og biddu um hjálp um leið og þú þarft en án hræðslu við að mistakast, því frá þeim mistökum kemur yfirleitt mikil reynsla.  Það eru allir í þessu langhlaupi saman, þannig að hjálpist að.


Skólinn gaf mér ekki bara tól í verkfæratöskuna mína heldur nýja fjölskyldu, sem ég elska.  Ég veit ekki hvort ég hafi þakkað fyrir mig eftir að ég útskrifaðist vorið 2018, en ég geri það hér með.  Takk!

Nemendur á fyrstu önn Kvikmyndaskóla Íslands héldu áfram í sínu fyrsta námskeiði, TÆK 107, þar sem allar deildir skólans læra undirstöðu kvikmyndagerðar og hófu tökur á sinni fyrstu mynd í skólanum sem þau frumsýna von bráðar.

Nemendur á 2.önn Leikstjórnar og Framleiðslu luku áfanga í dagskrárgerð fyrir sjónvarp með 3.önn Leiklist undir leiðsögn Baldvin Albertssonar með kynningu fyrir gesti úr bransanum ásamt því að fara í listasögu með Lee Lorenzo Lynch. Einnig sátu þau námskeið í Leikstjórn undir leiðsögn Börks Gunnarssonar (Þetta Reddast) með nemendum Handrita og Leikstjórnar. Nemendur á 4.önn fóru í handritsnámskeið undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrita og Leikstjórnar þar sem þau vinna handrit að útskriftarverkefni sínu ásamt því að hefja leikstjórnarkúrs með Hilmari Oddssyni (Kaldaljós, Tár úr Steini) þar sem unnið var áfram með lokaverkefnið þeirra.  Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á 2.önn Skapandi Tækni, sátu námskeið í kvikmyndatöku undir leiðsögn Björns Ófeigssonar (Gnarr, Latibær) með því hvert og eitt að skjóta stutta mynd sem þau fóru svo með yfir í Klippikúrs undir leiðsögn Davíð Alexander Corno (Kona fer í stríð)  Nemendur 3.annar fóru í námskeið í hljóð eftirvinnslu með Kjartani Kjartassyni (101 Reykjavík, Svartur á Leik), hófu kvikmyndatöku námskeið með Björn Ófeigssyni (Gnarr, Latibær) þar sem þau undirbúa að skjóta sína eigin heimildarmynd og sátu handritanámskeið með Hrafnkeli Stefánssyni (Kurteist Fólk, Borgríki). Nemendur 4.annar fóru í framleiðslu námskeið með 4.önn Handrit/Leikstjórn undir leiðsögn Arnar Benjamíns (A Reykjavik Porno, Þorsti) og undirbjuggu lokaverkefni sitt með leiðbeinanda sínum Ólaf De Fleur (Borgríki, Malevolent) Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á 2.önn Handrita og Leikstjórnar sátu námskeið í handritsskrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer) listasögu með Lee Lorenzo Lynch og sátu námskeið í Leikstjórn undir leiðsögn Börks Gunnarssonar (Þetta Reddast) ásamt nemendum Leikstjórnar ogFramleiðslu. Nemendur á 4.önn sátu námskeið í framleiðslu undir leiðsögn Arnar Benjamíns (A Reykjavik Porno, Þorsti)  ásamt því að hefja leikstjórnarkúrs með Hilmari Oddsyni (Kaldaljós, Tár úr Steini ) Einnig sat 4.önn námskeið í stofnun framleiðslu fyrirtækja og umsókna, og samtíma kvikmyndasögu.  

Nemendur á 2.önn Leiklist sátu námskeið í leiktækni með Rúnari Guðbrandssyni (Svartur á Leik) og hófu námskeið í Raddþjálfun með Þórey sigþórsdóttur (Agnes, Kaldaljós) Nemendur á 3.önn luku áfanga í dagskrárgerð fyrir fyrir sjónvarp með 2.önn Leikstjórn/Framleiðslu undir leiðsögn Baldvin Albertssonar með kynningu fyrir gesti úr bransanum, hófu námskeið í Leiklistarsögu með Rúnari Guðbrandssyni (Svartur á leik) og unnu með leiktækni undir leiðsögn Hannes Óla Ágústssonar (Málmhaus) Nemendur 4.annar sátu námskeið í handritsgerð með Kolbrún Önnu Björnsdóttur (Svartir Englar) , upprifjunar námskeið í raddvinnu með Þórey Sigþórsdóttur (Agnes, Kaldaljós) og svo námskeið í gerð dansmyndbands undir leiðsögn Kolbrún Önnu Björnsdóttur(Svartir Englar) og Rut Hermansdóttur. Einnig fóru þau í námskeið í gerð showreel og æfingar fyrir áheyrnarprufur. Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Kínema hélt svo spilakvöld, sitt reglulega “writers room”, dreifði skóla bolunum og nutu pizza sneiða.

Nemendur vinna á fullu í lokaverkefnum sínum

Nemendur á 2.önn Leikstjórnar og Framleiðslu voru í áfanga í dagskrárgerð fyrir sjónvarp með 3.önn Leiklistar undir leiðsögn Baldvins Albertssonar, ásamt því að fara í listasögu með Lee Lorenzo Lynch. Einnig sátu þau námskeið í Leikstjórn undir leiðsögn Börks Gunnarssonar (Þetta Reddast) með nemendum Handrita og Leikstjórnar.  Nemendur á 4.önn voru á námskeiði í heimildarmyndargerð með Helgu Rakel Rafnsdóttur (Keep Frozen, Salome) og handrita námskeiði undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrita og Leikstjórnar þar sem þau vinna að handriti að útskriftarverkefni sínu.

Nemendur á 2.önn Skapandi Tækni sátu námskeið í kvikmyndatöku undir leiðsögn Björns Ófeigssonar (Gnarr, Latibær), fóru á sett á nýrri íslenskri kvikmynd og aðstoðuðu ásamt kennara sínum, ásamt því að hefja tökur á sinni eigin stutmynd án orða. Nemendur 3.annar hófu námskeið í hljóð eftirvinnslu með Kjartani Kjartassyni (101 Reykjavík, Svartur á Leik) og luku námskeiði í myndbreytingu með fagstjóra myndbreytinga Sigurgeiri Arinbjörnssyni (Stella Blomkvist, Star Trek: Discovery). Nemendur 4.annar fóru á framleiðslu námskeið með 4.önn Handrita og Leikstjórnar undir leiðsögn Arnars Benjamíns (A Reykjavik Porno, Þorsti) og undirbjuggu lokaverkefni sitt með leiðbeinanda sínum Ólafi De Fleur (Borgríki, Malevolent). Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á 2.önn Handrita og Leikstjórnar sátu námskeið í handritsskrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer), listasögu með Lee Lorenzo Lynch og sátu námskeið í Leikstjórn undir leiðsögn Börks Gunnarssonar (Þetta Reddast) ásamt nemendum Leikstjórnar og Framleiðslu. Nemendur á 4.önn sátu námskeið í framleiðslu undir leiðsögn Arnars Benjamíns (A Reykjavik Porno, Þorsti) og námskeið í endurskrifum á handriti í fullri lengd með Hrafnkeli Stefánssyni (Kurteist Fólk, Borgríki). Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á 2.önn Leiklistar sátu námskeið í leiktækni með Rúnari Guðbrandssyni (Svartur á Leik) og luku námskeiði í sviðsbardagatækni með 3.önn Leiklistar undir leiðsögn Örnu Magneu Danks (Ófærð, Stella Blomkvist), með einkar glæsilegri kynningu. Nemendur á 3.önn fóru ásamt því á námskeið í dagskrárgerð fyrir sjónvarp með nemendum 2.annar í Leikstjórn og Framleiðslu undir leiðsögn Baldvins Albertssonar. Nemendur 4.annar sátu námskeið í handritsgerð með Kolbrún Önnu Björnsdóttur (Svartir Englar) , upprifjunar námskeið í raddvinnu með Þóreyju Sigþórsdóttur (Agnes, Kaldaljós) og svo námskeið í gerð dansmyndbands undir leiðsögn Kolbrúnar Önnu Björnsdóttur (Svartir Englar) og Rut Hermannsdóttur. Einnig fóru þau á námskeið í gerð “showreel” og æfingar fyrir áheyrnarprufur. Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á fyrstu önn Kvikmyndaskóla Íslands héldu áfram í sínu fyrsta námskeiði, TÆK 107, þar sem allar deildir skólans læra undirstöðu atriði kvikmyndagerðar og framleiða í lokin mínútu stuttmynd. 

Nemendur á 2.önn Leikstjórnar og Framleiðslu tóku áfanga í dagskrárgerð fyrir sjónvarp með 3.önn Leiklistar undir leiðsögn Baldvins Albertssonar, ásamt því að fara í listasögu með Lee Lorenzo Lynch. Einnig hófu þau námskeið í Leikstjórn undir leiðsögn Börks Gunnarssonar (Þetta Reddast) með nemendum Handrits og Leikstjórnar. Nemendur á 4.önn voru á námskeiði í heimildarmyndargerð með Helgu Rakel Rafnsdóttur (Keep Frozen, Salome) og handritsnámskeiði undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrits og Leikstjórnar þar sem þau vinna að handriti útskriftarverkefnis síns.

Nemendur á 2.önn Skapandi Tækni, sátu námskeið í kvikmyndatöku undir leiðsögn Björns Ófeigssonar (Gnarr, Latibær) þar sem þau kvikmynda stuttmynd án orða. Nemendur 3.annar fóru á námskeið í handritsgerð með Hrafnkeli Stefánssyni (Kurteist Fólk, Borgríki) og námskeið í myndbreytingu með fagstjóra myndbreytinga Sigurgeiri Arinbjörnssyni (Stella Blomkvist, Star Trek: Discovery). Nemendur 4.annar fóru á framleiðslu námskeið með 4.önn Handrits og Leikstjórnar undir leiðsögn Arnars Benjamíns (A Reykjavik Porno, Þorsti) og undirbjuggu lokaverkefni sitt með leiðbeinanda sínum Ólafi De Fleur (Borgríki, Malevolent). Ásamt því sat 4.önn námskeið í stofnun framleiðslu fyrirtækja og umsókna, ásamt samtíma kvikmyndasögu. 

Nemendur á 2.önn Handrita og Leikstjórnar sátu námskeið í handrits skrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer), listasögu með Lee Lorenzo Lynch og hófu námskeið í Leikstjórn undir leiðsögn Börks Gunnarssonar (Þetta Reddast) ásamt nemendum Leikstjórnar og Framleiðslu. Nemendur á 4.önn sátu námskeið í framleiðslu undir leiðsögn Arnars Benjamíns (A Reykjavik Porno, Þorsti) og námskeið í endurskrifum á handriti í fullri lengd með Hrafnkeli Stefánssyni (Kurteist Fólk, Borgríki). Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu.

Nemendur á 2.önn Leiklistar sátu námskeið í leiktækni með Rúnari Guðbrandssyni (Svartur á Leik) og námskeið í sviðsbardaga tækni með 3.önn Leiklistar í leiðsögn Örnu Magneu Danks (Ófærð, Stella Blomkvist). Nemendur á 3.önn fóru ásamt því á námskeið í dagskrárgerð fyrir sjónvarp með nemendum 2.annar í Leikstjórn og Framleiðslu undir leiðsögn Baldvins Albertssonar. Nemendur 4.annar sátu námskeið í handritsgerð með Kolbrún Önnu Björnsdóttur (Svartir Englar) , upprifjunar námskeið í raddvinnu með Þóreyju Sigþórsdóttur (Agnes, Kaldaljós) og svo námskeið í gerð dansmyndbands undir leiðsögn Kolbrúnar Önnu Björnsdóttur (Svartir Englar) og Rut Hermannsdóttur. Ásamt því sat 4.önn námskeið í stofnun framleiðslu fyrirtækja og umsókna, ásamt samtíma kvikmyndasögu. 

Nemendafélagið okkar Kínema, hóf starfsemi sína með fullu krafti, með spilakvöldi, “writers room”; þar sem nemendur hjálpast við að skrifa handrit, og buðu svo upp á pylsupartí í matsal skólans í hádeginu á föstudeginum. 

Vorönn Kvikmyndaskóla Íslands var formlega sett í vikunni af Hrafnkeli Stefánssyni námsstjóra, þar sem nemendur og starfsfók var boðið aftur til starfa. Eftir skólasetninguna hittu nemendur fagstjóra sinna brauta og eftir það hófu nám. Á fyrstu önn hófu 21 nýnemar nám við skólann. Þau hófu námið á fyrirlestri um vinnusiðferði fráleikstjóra (Kaldaljós, Tár úr Steini) og fóru svo í fyrsta áfangann sinn, TÆK 107, þar sem þau munu læra grunnatriði kvikmyndargerðar og framleiða mínútu stuttmynd. 

Nemendur á 2.önn Leikstjórnar og Framleiðslu hófu önnina á áfanga í dagskrárgerð fyrir sjónvarp ásamt 3.önn Leiklistar undir leiðsögn, ásamt því að fara í listasögu með Lee Lorenzo Lynch. Nemendur á 4.önn hófu námskeið í heimildarmyndagerð með Helgu Rakel Rafnsdóttur (Keep Frozen, Salome) og handritsnámskeið undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrita og Leikstjórnar, þar sem þau vinna að handriti útskriftarverkefnis síns.

Nemendur á 2.önn Skapandi Tækni, hófu námskeið í kvikmyndatöku undir leiðsögn Björns Ófeigssonar (Gnarr, Latibær) þar sem þeir munu kvikmynda stuttmynd án orða. Nemendur 3.annar fóru á námskeið í handritsgerð með Hrafnkeli Stefánssyni (Kurteist Fólk, Borgríki) og námskeið í myndbreytingu með nýjum fagstjóra myndbreytinga Sigurgeiri Arinbjörnssyni (Stella Blomkvist, Star Trek: Discovery). Nemendur 4.annar fóru á framleiðslu námskeið með 4.önn Handrita og Leikstjórnar undir leiðsögn Arnars Benjamíns (A Reykjavik Porno, Þorsti) og hófu svo undirbúning að lokaverkefni sínu með leiðbeinanda sínum, Ólafi De Fleur (Borgríki, Malevolent).

Nemendur á 2.önn Handrita og Leikstjórnar hófu námskeið í handrits skrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer) ásamt því að fara í listasögu með Lee Lorenzo Lynch. Nemendur á 4.önn sátu námskeið í framleiðslu undir leiðsögn Arnars Benjamíns (A Reykjavik Porno, Þorsti)  og sátu námskeið í endurskrifum á handriti í fullri lengd með Hrafnkeli Stefánssyni (Kurteist Fólk, Borgríki).

Nemendur á 2.önn Leiklistar hófu önnina á leiktækni með Rúnari Guðbrandssyni (Svartur á Leik) og námskeið ísviðs bardaga tækni með 3.önn Leiklistar undir leiðsögn Örnu Magneu Danks (Ófærð, Stella Blomkvist). Nemendur á 3.önn fóru ásamt því á námskeið í dagskrárgerð fyrir sjónvarp með nemendum 2.annar í Leikstjórn og Framleiðslu undir leiðsögn Baldvins Albertssonar. Nemendur 4.annar hófu námskeið í handritsgerð með Kolbrún Önnu Björnsdóttur (Svartir Englar) og upprifjunar námskeið í raddvinnu með Þóreyju Sigþórsdóttur (Agnes, Kaldaljós).

Mikill hugur er í nemendafélagi skólans og hefst starfsemi hennar í næstu viku. 

Nú um áramótin gekk í gildi 5 ára þjónustusamningur  Kvikmyndaskólans við menntamála og fjármálaráðuneytið, um starfrækslu náms í kvikmyndagerð. Samningurinn gildir til ársins 2025. Nemendafjöldi skal vera að lágmarki 100 í fullu námi á ári. Um áramót gekk einnig í gildi ný viðurkenning frá Menntamálastofnun á 4 deildum skólans sem gildir til 3 ára.  

Kvikmyndaskóli Íslands gerir 5 ára þjónustusamning við íslenska ríkið

Skrifstofa skólans verður lokuð yfir jól og áramót, en hægt er að senda okkur póst á kvikmyndaskoli@kvikmyndaskoli.is.

Skrifstofan opnar aftur þriðjudaginn 7.janúar .

Skólasetning vorannar verður svo fimmtudaginn 16.janúar kl.9:00

Eigið gleðilegar hátíðir, þökkum árið sem er að líða og hlökkum til þess að takast á við 2020!

Eftir ævintýraríka viku, þar sem við fengum að njóta verka nemenda okkar sem þeir hafa unnið að hörðum höndum síðastliðna önn og þar á meðal stórkostlegra útskriftarmynda, var komið að útskrift haustannar 2019. Við gátum stolt útskrifað kvikmyndagerðarfólk sem mun án efa setja mark sitt á framtíðina.

Frá deild Handrita og Leikstjórnar útskrifuðust

Fannar Smári Birgisson, Ragnar Óli Sigurðsson og Kristinn Finnsson

Frá deild Leikstjórnar og Framleiðslu útskrifuðust

Gunnar Ágúst Stefánsson og Kristinn Örn Elfar Clausen

Viðurkenningu fyrir góða ástundun hlaut Kristinn Finnsson og viðurkenningu fyrir bestu mynd annarinnar, “Bjarkann”, hlaut Kristinn Örn Elfar Clausen fyrir mynd sína “Pabbi minn” .

Við óskum nemendum okkar innilega til hamingju með árangurinn og munum spennt fylgjast með framtíðar verkum þeirra.

Fréttir Í fréttum var það helst

Urður, Verðandi, Skuld og Gunnar

Nemendur vinna á fullu í lokaverkefnum sínum

Engin lognmolla hjá okkur

Kínema, okkar frábæra nemendafélag

Frábær byrjun á árinu

Skóla árið hefst á ný

Kvikmyndaskóli Íslands gerir 5 ára þjónustusamning við íslenska ríkið

Gleðilega hátíð !

Útskrift, laugardaginn 21.desember

Flýtileiðir